Mínítear sa ráiteas príobháideachais seo an chúis atá leis an bpróiseáil, an chaoi a ndéanann an tOmbudsman Eorpach na sonraí pearsanta uile a chuirtear ar fáil a bhailiú, a láimhseáil agus a chosaint, an chaoi a n-úsáidtear an fhaisnéis sin agus na cearta is féidir leis na hábhair sonraí a fheidhmiú i ndáil lena gcuid sonraí.

Is é an tOmbudsman Eorpach (EO) an rialaitheoir.

1. Cad iad na sonraí pearsanta a phróiseálfaidh an tOmbudsman Eorpach?

Cuireann iarrthóirí a gcuid sonraí ar fáil tríd an uirlis iarratais ar líne (suíomh gréasáin). Chun an nós imeachta roghnúcháin a chur i gcrích, déantar na sonraí a allmhairiú chuig uirlis TF atá ceaptha chun tacú leis an nós imeachta agus chun é a éascú.

Déanaimid na sonraí pearsanta seo a leanas a phróiseáil:

• Faisnéis bhunúsach phearsanta (céadainm, sloinne, náisiúntacht, dáta breithe, ríomhphost, agus cathair agus tír chónaithe, teileafón);
• faisnéis atá sa CV (oideachas, taithí oibre, inniúlacht teanga);
• cóipeanna de dhioplómaí, céimeanna nó teastais an iarratasóra.

2. Cén fáth a ndéanann an tOmbudsman Eorpach na sonraí pearsanta sin a phróiseáil?

Is é is cuspóir don phróiseáil iarrthóirí a shainaithint don chlár oiliúna a chuireann Oifig an Ombudsman Eorpaigh ar fáil agus an nós imeachta roghnúcháin ábhartha a chur i gcrích

3. Cad iad na bunúis dlí agus an gá atá leis na sonraí sin a phróiseáil?

Is é an bunús dlí an Cinneadh ón Ombudsman Eorpach maidir le tréimhsí oiliúna an 13 Feabhra 202 3 agus glaonna ábhartha ar iarratais ar thréimhsí oiliúna.

Is gá an phróiseáil a dhéanamh chun cúram a chur i gcrích a dhéantar ar mhaithe le leas an phobail (Airteagal 5(1)(a) de Rialachán 2018/1725).

4. Cé atá freagrach as na sonraí a phróiseáil?

Déanann seirbhísí Teicneolaíochtaí Faisnéise agus Cumarsáide (TFC) Oifig an Ombudsman Eorpaigh na sonraí a chuirtear isteach ar an suíomh gréasáin a phróiseáil. Bainistíonn an tAonad Acmhainní Daonna agus baill foirne TFC an uirlis roghnúcháin.

5. Cé a gheobhaidh na sonraí?

EO, an tArdrúnaí (más infheidhme), an Stiúrthóir Riaracháin, an tOifigeach Tréimhsí Oiliúna, Ceann an Aonaid Acmhainní Daonna, na Cinn Aonad Fiosrúcháin, na baill foirne a bhfuil baint acu le measúnú na n-iarrthóirí, agus an Earnáil TFC.

6. Cá fhad a choinneofar na sonraí?

Coinnítear sonraí na n-iarrthóirí a chuirtear isteach san uirlis iarratais ar líne ina gcuntas pearsanta ar líne ar feadh 2 bhliain, i gcás inar mian leo iarratas a dhéanamh ar thréimhsí oiliúna amach anseo. Mura nascann iarrthóirí lena gcuntas laistigh de dhá bhliain, scriostar an cuntas agus na sonraí atá ann go huathoibríoch, tar éis ríomhphost fógra a sheoladh chucu. Is féidir le hiarrthóirí a iarraidh ar an EO a gcuntas a scriosadh tráth ar bith.

Na sonraí a aistrítear chuig an uirlis roghnúcháin maidir le hiarrthóirí nár éirigh leo, scriostar iad naoi mí tar éis dheireadh na tréimhse oiliúna ar bailíodh sonraí ina leith. Scriostar sonraí na n-iarrthóirí a roghnaítear le haghaidh tréimhsí oiliúna 2 bhliain tar éis dheireadh a dtréimhse oiliúna

7. Conas a chosnaímid sonraí an ábhair sonraí?

Bailítear sonraí ar líne i mód slán. Tá rochtain ar na sonraí tríd an bhfoirm ar líne faoi chosaint ag pasfhocal rogha an iarratasóra.

Stóráiltear na sonraí leictreonacha san uirlis iarratais ar líne, ar fhreastalaithe EO, rud a chiallaíonn go gcosnaítear iad le go leor beart slándála arna mbunú ag an Earnáil TFC chun sláine agus rúndacht mhaoin leictreonach na hInstitiúide a chosaint.

8. Cad iad na cearta atá agat agus conas is féidir leat iad a fheidhmiú?

Tá sé de cheart agat rochtain a fháil ar do shonraí pearsanta féin agus ar fhaisnéis ábhartha maidir leis an gcaoi a n-úsáidimid iad. Tá sé de cheart agat freisin a iarraidh go gceartófaí aon sonraí neamhiomlána nó míchruinne a bhaineann leat, ar choinníoll go gcosnaítear rúndacht phlé agus chinnteoireacht na mball foirne a bhfuil baint acu le measúnú na n-iarrthóirí, mar aon le cearta iarrthóirí eile.

Is féidir leat sonraí aitheantais a cheartú tráth ar bith le linn an nós imeachta. Maidir le sonraí a bhaineann le critéir inghlacthachta nó mheasúnaithe, is féidir an ceart chun ceartúcháin a fheidhmiú suas go dtí an dáta deiridh chun iarratais a chur isteach.

Tá sé de cheart agat agóid a dhéanamh in aghaidh úsáid do shonraí ag an EO ar chúiseanna a bhaineann le do chás ar leith, ag am ar bith. Faoi choinníollacha áirithe, tá sé de cheart agat a iarraidh go scriosfaidh an EO do shonraí pearsanta nó go gcuirfidh sé srian lena n-úsáid. Freagróidh an EO d'iarrataí a luaithe is féidir agus laistigh de mhí amháin ar a dhéanaí.

9. Cé leis ar cheart teagmháil a dhéanamh i gcás ceisteanna nó gearáin a bhaineann le saincheisteanna cosanta sonraí?

Tráth ar bith, féadfaidh tú ceisteanna a bhaineann le cosaint sonraí a bhaineann le nós imeachta roghnúcháin na n-oiliúnaithe in Oifig an Ombudsman Eorpaigh a sheoladh chuig Oifig an Ombudsman Eorpaigh, ag an seoladh seo a leanas:

EOtraineeship@ombudsman.europa.eu An tOmbudsman
Eorpach
1 avenue du Président Robert Schuman
CS 30403
F-67001 Strasbourg Cedex

Is féidir leat teagmháil a dhéanamh freisin le hOifigeach Cosanta Sonraí Oifig an Ombudsman Eorpaigh ag an seoladh seo a leanas: Dpo-Euro-Ombudsman@ombudsman.europa.eu

Féadfaidh tú gearán a thaisceadh leis an Maoirseoir Eorpach ar Chosaint Sonraí tráth ar bith ag an seoladh seo a leanas: EDPS@edps.europa.eu