Chuir an gearánach, eagraíocht neamhrialtasach de chuid na Polainne, imní in iúl don Choimisiún Eorpach faoi thogra reachtach maidir le córais bhia inbhuanaithe mar a fhoráiltear faoi Straitéis ‘Ón bhFeirm go dtí an Forc’ an Aontais. D’áitigh an gearánach go ndearna an Coimisiún obair ullmhúcháin agus comhairliúcháin maidir leis an togra ach ansin tharraing sé siar é óna phlean de ghníomhaíochtaí reachtacha a bhí le teacht gan míniú leordhóthanach a thabhairt.

Le linn fhiosrúchán an Ombudsman, mhínigh an Coimisiún go ndearna sé athbhreithniú ar a thosaíochtaí polaitiúla mar gheall ar shuaitheadh eacnamaíoch de bharr ionradh na Rúise ar an Úcráin, agóidí feirmeoirí ar fud an Aontais, agus ábhair imní níos leithne do pháirtithe leasmhara faoi thalmhaíocht an Aontais.

In 2025, ghlac an Coimisiún ‘Fís nua don Talmhaíocht agus do Bhia’. Ós rud é nár luadh creat le haghaidh córais bhia inbhuanaithe sa doiciméad sin, mhínigh an Coimisiún gur chreid sé go raibh sé soiléir do pháirtithe leasmhara gur scoireadh den tionscnamh sin. Thairis sin, thug an Coimisiún le fios go raibh an fhaisnéis faoina thionscnaimh bheartais uile á tabhairt cothrom le dáta aige ar a shuíomh gréasáin.

D’fháiltigh an tOmbudsman roimh thiomantas an Choimisiúin trédhearcacht níos fearr a sholáthar maidir le stádas a thionscnaimh bheartais agus dhún sí an fiosrúchán.