A Uasail X, a chara,

Tagraímid dár litir dar dáta an 8 Samhain 2023, inar chuir an tOmbudsman in iúl duit go bhfuair sé gearán ó Fhaireachlann Chorparáideach na hEorpa agus Food & Water Action Europe faoin gcaoi ar chinn an Coimisiún Eorpach comhdhéanamh Ghrúpa Comhairleach Thionscal Ardáin Fuinnimh an Aontais (IAG).

Tar éis chruinniú fhoireann fiosrúcháin an Ombudsman le hionadaithe ábhartha an Choimisiúin, chinneamar gur gá iniúchadh a dhéanamh ar na doiciméid seo a leanas:

• Miontuairiscí mionsonraithe chruinnithe uile IAG;
• Na doiciméid uile a scaipeadh ar chomhaltaí agus ar bhreathnóirí IAG roimh chruinnithe an 8ú, an 9ú, an 10ú agus an 11ú [1] de IAG, lena linn agus ina ndiaidh;
• Miontuairiscí na gcruinnithe déthaobhacha arna dtionól ag an gCoimisiún le ‘gníomhaithe margaidh eile’(cuideachtaí) ar imeall chruinnithe oifigiúla IAG [2], chomh maith le doiciméid a mhalartaítear sa chomhthéacs sin.

Bheimis buíoch dá bhféadfadh an Coimisiún na doiciméid thuasluaite a chur ar fáil, i bhformáid leictreonach [3] más féidir, faoin 12 Aibreán 2024. Is í Amandine Le Bellec an t-oifigeach fiosrúcháin atá freagrach.

Tá barúlacha na ngearánach maidir le tuarascáil an chruinnithe i gceangal leis an litir seo.

Le dea-mhéin,

Rosita Hickey
Stiúrthóir Fiosrúcháin

Strasbourg, 22/03/2024

[1] Ós rud é nach eol go poiblí dáta an 11ú cruinniú, cuir isteach na doiciméid uile a bhaineann leis an gcruinniú sin má tharla sé cheana, nó doiciméid ullmhúcháin má tá sé beartaithe go dtarlóidh sé.

[2] Luaigh an Coimisiún na cruinnithe sin le linn an chruinnithe leis an bhfoireann fiosrúcháin an 5 Nollaig 2023 (lch. 7-8 de thuarascáil an chruinnithe).

[3] Ní nochtfar faisnéis nó doiciméid a mheasann d’institiúid a bheith rúnda don ghearánach ná d’aon duine eile gan comhaontú roimh ré ón gCoimisiún. Marcáil go soiléir an t-ábhar sin ‘Rúnda’. Is féidir ríomhphoist chriptithe a sheoladh chuig ár mbosca ríomhphoist tiomnaithe.