1. An 6 Iúil 2018, scríobh an gearánach chuig an gCoimisiún Eorpach ag cur i gceangal lena thogra le haghaidh teicneolaíocht nua níos éifeachtúla a bheidh le húsáid chun leictreachas a tháirgeadh. Chuaigh an gearánach i dteagmháil leis an gCoimisiún cheana féin i mí Lúnasa 2017 le faisnéis chomhchosúil, rud a thug an Coimisiún dá aire le hús. D'iarr sé freisin ar an gCoimisiún tacú leis an teicneolaíocht atá i gceist a chur chun cinn. Ós rud é nach bhfuair an gearánach freagra, rinne sé gearán leis an Ombudsman Eorpach an 11 Iúil 2018. An 22 Iúil 2018, scríobh sé arís chuig an gCoimisiún faoin ábhar sin.

2. Chuaigh foireann fiosrúcháin an Ombudsman i dteagmháil leis an gCoimisiún. An 26 Deireadh Fómhair 2018, thug an Coimisiún freagra ar an ngearánach. Go háirithe, thug sí dá haire go bhféadfadh an teicneolaíocht a dtugtar tuairisc uirthi cuidiú le cuspóirí chreat aeráide agus fuinnimh 2030 agus spriocanna Chomhaontú Pháras a bhaint amach. Ós rud é nach féidir leis comhoibriú go díreach le daoine aonair ná le cuideachtaí maidir le teicneolaíochtaí, chuir an Coimisiún faisnéis ar fáil don ghearánach faoi dheiseanna cistiúcháin faoi chreat Fís 2020 an Aontais do chuideachtaí nuálacha.

3. Ós rud é gur seoladh freagra anois, réitítear an gearán seo ^[1] agus dá bhrí sin chinn mé an cás a dhúnadh ^[2].

Lambros Papadias

Ceann Fiosrúcháin - Aonad 3

Strasbourg, 04/03/2019

[1] Má mheasann an gearánach nach bhfuil freagra na hinstitiúide sásúil, is féidir leis gearán nua a dhéanamh leis an Ombudsman.

[2] Déileáladh leis an ngearán seo faoi láimhseáil cásanna tarmligthe, i gcomhréir le hAirteagal 11 den Chinneadh ón Ombudsman Eorpach lena nglactar Forálacha Cur Chun Feidhme