D’iarr an gearánach ar an gCoimisiún Eorpach rochtain phoiblí a thabhairt ar na haighneachtaí a fuair sé le haghaidh comhairliúchán poiblí maidir leis an mBunachar Sonraí Trédhearcachta faoin nGníomh um Sheirbhísí Digiteacha. Shainaithin an Coimisiún go dtagann 50 freagra ar an gcomhairliúchán poiblí atá i gceist faoi raon feidhme na hiarrata ar rochtain. Thug sé rochtain leathan ar 31 de na doiciméid sin ach dhiúltaigh sé rochtain ar 19 n-aighneacht. Agus an méid sin á dhéanamh aige, d’agair an Coimisiún eisceacht faoi reachtaíocht an Aontais maidir le rochtain phoiblí ar dhoiciméid, agus d’áitigh sé go bhféadfadh nochtadh an bonn a bhaint de leasanna tráchtála na n-eintiteas lena mbaineann. D'iarr an gearánach ar an gCoimisiún athbhreithniú a dhéanamh ar a chinneadh (trí 'iarratas daingniúcháin' a dhéanamh). Ós rud é gur theip ar an gCoimisiún cinneadh a dhéanamh laistigh den spriocdháta is infheidhme, chuaigh an gearánach i dteagmháil leis an Ombudsman.

D’oscail an tOmbudsman fiosrúchán agus d’iarr sé ar an gCoimisiún athbhreithniú a dhéanamh ar na doiciméid atá i gceist. Ghlac an Coimisiún ‘cinneadh daingniúcháin’, lena dtugtar rochtain leathan phoiblí ar na doiciméid uile atá i gceist. Dá bhrí sin, dhún an tOmbudsman an cás mar a socraíodh é .