L-ilmentatur talab lill-Kummissjoni Ewropea tagħti aċċess pubbliku għall-kontribuzzjonijiet li rċeviet għal konsultazzjoni pubblika dwar il-Bażi tad-Data tat-Trasparenza skont l-Att dwar is-Servizzi Diġitali. Il-Kummissjoni identifikat 50 tweġiba għall-konsultazzjoni pubblika inkwistjoni bħala li jaqgħu fil-kamp ta’ applikazzjoni tat-talba għal aċċess. Hija tat aċċess wiesa’ għal 31 minn dawn id-dokumenti iżda rrifjutat l-aċċess għal 19-il kontribuzzjoni. B’dan il-mod, il-Kummissjoni invokat eċċezzjoni skont il-leġiżlazzjoni tal-UE dwar l-aċċess pubbliku għad-dokumenti, billi argumentat li l-iżvelar jista’ jimmina l-interessi kummerċjali tal-entitajiet ikkonċernati. L-ilmentatur talab lill-Kummissjoni tirrevedi d-deċiżjoni tagħha (billi tagħmel "applikazzjoni konfermatorja"). Peress li l-Kummissjoni naqset milli tieħu deċiżjoni sal-iskadenza applikabbli, l-ilmentatur irrikorra għand l-Ombudsman.

L-Ombudsman fetaħ investigazzjoni u talab lill-Kummissjoni teżamina mill-ġdid id-dokumenti inkwistjoni. Il-Kummissjoni adottat "deċiżjoni konfermatorja", li tagħti aċċess pubbliku wiesa' għad-dokumenti kollha inkwistjoni. L-Ombudsman għalhekk għalaq il-każ kif ġie solvut.