Is dlíodóir, saineolaí neamhspleách ar chearta an duine, agus scoláire a dhíríonn go speisialta ar an dlí idirnáisiúnta poiblí, inscne agus comhionannas í B. Uas. Anjinho. Chaith sí tréimhsí ag léachtóireacht i Scoil Dlí NOVA agus in Institiúid Ius Gentium Conimbrigae in Ollscoil Coimbra. Tá roinnt páipéar eolaíochta foilsithe aici freisin.

Ó 2022 go dtí 2025, bhí Teresa Anjinho ina Comhalta de Choiste Maoirseachta na hOifige Eorpaí Frith-Chalaoise (OLAF). Bhí poist aici roimhe sin mar Leas-Ombudsman na Portaingéile (2017-2022), Státrúnaí Dlí agus Cirt i Rialtas na Portaingéile (2015) agus Teachta Parlaiminte sa tír sin chomh maith (2011-2015).

Tá an tOmbudsman Eorpach ina chomhlacht neamhspleách neamhchlaon a choimeádann institiúidí agus gníomhaireachtaí an Aontais Eorpaigh cuntasach agus a chuireann dea-riarachán chun cinn. Cabhraíonn an tOmbudsman le daoine, le gnólachtaí agus le heagraíochtaí a bhfuil fadhbanna acu le riarachán AE trí imscrúdú a dhéanamh ar ghearáin a rinneadh faoi dhrochriarachán ag institiúidí agus comhlachtaí AE, ach freisin trí shaincheisteanna sistéamacha níos leithne a imscrúdú go réamhghníomhach. Cé go measann an tOmbudsman go bhfuil caighdeáin mhaithe riaracháin ag an AE cheana féin, tá sí den bharúil go bhfuil dualgas air an caighdeán is airde is féidir a bhaint amach ar mhaithe le muintir na hEorpa.