D’iarr an gearánach ar Ghníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) rochtain phoiblí a thabhairt ar dhoiciméid a bhaineann le faireachán ar na meáin shóisialta a bhaineann le bealaí imirce. Shainaithin Europol ceithre dhoiciméad – malartuithe ríomhphoist agus clár oibre cruinnithe – mar dhoiciméid a thagann faoi raon feidhme na hiarrata. Thug sé rochtain ar chodanna de dhá cheann de na doiciméid sin agus dhiúltaigh sé rochtain ar an dá cheann eile ina n-iomláine. Agus an méid sin á dhéanamh aige, d’agair sé dhá eisceacht ón nochtadh dá bhforáiltear faoi na rialacha is infheidhme, agus d’áitigh sé go bhféadfaí an bonn a bhaint den chaidreamh idirnáisiúnta agus den phríobháideachas dá nochtfaí na doiciméid (go hiomlán).

D’oscail an tOmbudsman fiosrúchán agus d’fhéach sé leis na doiciméid atá i gceist a iniúchadh. D'iarr sí freisin ar Europol soiléiriú a thabhairt ar an gcaoi ar dhéileáil sé le hiarraidh an ghearánaigh ar athbhreithniú ar chinneadh tosaigh Europol ('iarratas dearbhúcháin').