L-Ombudsman Ewropew, P.Nikiforos Diamandouros, laqa' l-adozzjoni tal-lum tal-White Paper tal-Kummissjoni Ewropea dwar il-Komunikazzjoni, li fiha miżuri estensivi biex iċ-ċittadini jitqiegħdu fiċ-ċentru tad-dibattitu dwar l-Unjoni Ewropea. "Iċ-ċittadini jilmentaw li ħadd mhu qed jismagħhom. Inħeġġeġ ħafna li l-Kummissjoni għamlet l-indirizzar ta' din il-problema prijorità numru wieħed fil-White Paper tagħha dwar il-Komunikazzjoni." Fost il-miżuri li l-Ombudsman iħoss li se jagħmlu differenza reali, l-aktar notevoli huma:

• L-iżvilupp ta' Karta Ewropea dwar l-Informazzjoni u l-Komunikazzjoni, biex jiġi żgurat li l-attivitajiet ta' komunikazzjoni li jikkonċernaw l-Ewropa jaqdu l-interess taċ-ċittadini;
• It-tiswir ta’ “sfera pubblika Ewropea” li fiha ċ-ċittadini jinteraġixxu ma’ xulxin u mal-istituzzjonijiet tal-UE permezz ta’ għodod ġodda ta’ komunikazzjoni;
• L-involviment tal-istituzzjonijiet tal-UE, il-midja u s-soċjetà ċivili fil-proċess ta’ komunikazzjoni.

“Fi żmien meta l-fiduċja taċ-ċittadini fl-istituzzjonijiet tal-UE tinsab f’livell storiku baxx, irridu nindirizzaw it-tħassib, il-biżgħat u r-riżervi tagħhom b’mod dirett. Billi jfittxu li jnaqqsu d-distakk permezz ta' modi ġodda ta' komunikazzjoni, il-proposti jikkostitwixxu pass importanti fid-direzzjoni t-tajba," spjega s-Sur Diamandouros. "Kull tentattiv ta' konnessjoni mill-ġdid maċ-ċittadini Ewropej jistħoqqlu, u jista' jistrieħ fuqu, l-appoġġ sħiħ tal-Ombudsman Ewropew".

Issa hemm perjodu ta' konsultazzjoni ta' sitt xhur dwar il-White Paper.