Għażiż Sur G.,

Nirreferi għall-ittri tiegħek tas-17 u t-23 ta' Ottubru 2007 dwar it-test tad-dikjarazzjoni ta' Schuman fuq is-sit web Europa. Int indikajt li l-verżjonijiet lingwistiċi kollha tas-sit web Europa, minbarra l-verżjoni Franċiża, iħallu barra l-frażi li tinsab fid-Dikjarazzjoni ta' Schuman dwar l-importanza tal-iżvilupp tal-kontinent Afrikan. Int issottolinjajt l-importanza ta' din il-frażi.

Is-servizzi tiegħi kkuntattjaw lis-servizzi tal-Kummissjoni dwar il-kwistjoni fis-6 ta' Novembru 2007. Is-servizzi tal-Kummissjoni mbagħad kitbu lill-ilmentatur fit-8 ta' Novembru 2007 sabiex jispjegaw li l-verżjonijiet mhux kompluti tad-Dikjarazzjoni ta' Schuman intirtu mill-ewwel sit tal-Internet tal-Kummissjoni, li issa kellu aktar minn 10 snin. Il-Kummissjoni ma pprovdietx spjegazzjonijiet ulterjuri fir-rigward tal-problema, ħlief biex tindika li din kienet okkorrenza sfortunata. Il-Kummissjoni kkonfermat li se jittieħdu passi biex tissolva l-problema.

Is-servizzi tiegħi kkuntattjawk fl-20 ta' Novembru 2007 sabiex jikkonfermaw jekk kontx sodisfatt bit-tweġiba tal-Kummissjoni. L-ewwel nett ġibed l-attenzjoni għall-importanza tal-frażi li tirreferi għall-iżvilupp tal-kontinent Afrikan li tinsab fid-Dikjarazzjoni ta' Schuman. Inti ddikjarajt li din il-frażi kienet rilevanti ħafna fid-dibattitu pubbliku dwar ir-rwol tal-Ewropa fir-rigward tal-iżvilupp tal-kontinent Afrikan. Innotajt li l-bidliet li l-Kummissjoni kienet issuġġeriet li kienet se tagħmel kienu għadhom ma sarux. Int indikajt ukoll li jkun meħtieġ, sabiex tissolva b'mod effettiv il-problema, li l-Kummissjoni tiżgura li l-iżball ma jidhirx f'xi pubblikazzjonijiet tal-Kummissjoni, inklużi pubblikazzjonijiet elettroniċi u stampati. Għalhekk, ttamajt li l-Kummissjoni tiżgura li l-pubblikazzjonijiet futuri ma jirrepetux dan l-iżball.

Bil-ħsieb li jiġi evitat kwalunkwe nuqqas ta’ fehim, infurmajtek li l-inkjesta tiegħi kienet tikkonċerna biss is-suġġett speċifiku tal-ilment tiegħu, jiġifieri l-fatt li l-verżjoni tad-Dikjarazzjoni ta’ Schuman li saret disponibbli fuq is-sit tal-Internet Europa ma kinitx kompluta (bil-lingwi kollha għajr il-Franċiż).

Fid-dawl tal-miżuri li s-servizzi tal-Kummissjoni qablu li jieħdu, inqis li l-Kummissjoni solviet l-ilment u għalhekk għalaqt il-każ.

Infurmajtkom li l-konklużjoni tiegħi kienet ibbażata biss fuq analiżi tat-tweġiba pprovduta lilek mill-Kummissjoni. Infurmajtek ukoll li jekk ma tkunx sodisfatt bil-passi meħuda mill-Kummissjoni, tista' tressaq ilment ġdid lill-Ombudsman.

Jekk jogħġbok sib mehmuża kopja tal-korrispondenza mibgħuta lilek mill-Kummissjoni.

Kopja ta' din id-deċiżjoni se tintbagħat lill-Kummissjoni.

Dejjem tiegħek,

P. Nikiforos DIAMANDOUROS