D’iarr an gearánach ar an gCoimisiún Eorpach rochtain phoiblí a thabhairt ar 11 ‘chinneadh cur chun feidhme’ lena gcinntear ‘táillí maoirseachta’ soláthraithe seirbhísí áirithe ar líne, i gcomhréir leis an nGníomh um Sheirbhísí Digiteacha. Dhiúltaigh an Coimisiún na doiciméid a nochtadh. Agus an méid sin á dhéanamh aige, d’agair sé eisceachtaí faoi reachtaíocht an Aontais maidir le rochtain phoiblí ar dhoiciméid, agus d’áitigh sé go bhféadfadh nochtadh an bonn a bhaint d’imeachtaí dlíthiúla agus leasanna tráchtála leanúnacha.

D’oscail an tOmbudsman fiosrúchán agus d’fhéach sé leis na doiciméid atá i gceist a iniúchadh.