Lorg an gearánach rochtain phoiblí ón gCoimisiún Eorpach ar dhoiciméad a bhain le heallaí pórúcháin a onnmhairiú chuig tíortha nach Ballstáit den Aontas iad. Níor dheonaigh an Coimisiún rochtain ach ar chodanna den doiciméad lena mbaineann, d’ainneoin gur sholáthair sé rochtain iomlán ar dhoiciméad comhchosúil roimhe sin. D’iarr an gearánach ar an gCoimisiún athbhreithniú a dhéanamh ar a chinneadh. Theip ar an gCoimisiún cinneadh a dhéanamh faoin spriocdháta is infheidhme, rud a mheastar a bheith ina dhiúltú intuigthe rochtana faoi rialacha an Aontais maidir le rochtain phoiblí ar dhoiciméid.

Le linn an fhiosrúcháin, thug an Coimisiún rochtain neamhshrianta don ghearánach ar an doiciméad a iarradh, rud a réitigh an t-ábhar. Dá bhrí sin, dhún an tOmbudsman an fiosrúchán, ach d’iarr sé ar an gCoimisiún moilleanna comhchosúla a sheachaint maidir le freagairt d’iarrataí den sórt sin amach anseo.