Għażiż Dr S.,
Fit-18 ta’ Novembru 1999 ilmentajt miegħi li l-Kummissjoni ma kinitx wieġbet għal ittra li inti kont indirizzajt lill-Kabinett tas-Sur Van den Broek fil-31 ta’ Mejju 1999 u diversi tfakkiriet sussegwenti.
Fl-10 ta’ Frar 2000, u wara diversi sforzi biex issir taf jekk il-Kummissjoni kinitx bagħtet tweġiba għall-ittra tiegħek tal-31 ta’ Mejju 1999, bgħatt l-ilment tiegħek lill-Kummissjoni għall-kummenti tagħha. Il-Kummissjoni bagħtet l-opinjoni tagħha fit-28 ta' Marzu 2000, u bgħattlek din l-ittra għall-osservazzjonijiet tiegħek fil-31 ta' Marzu 2000. F'ittra tal-5 ta' April 2000, inti infurmajtni li fil-fehma tiegħek il-Kummissjoni kienet għadha ma weġbitx għal waħda mill-mistoqsijiet tiegħek. Fit-12 ta’ April 2000, ktibt lill-Kummissjoni sabiex nitlobha l-kummenti tagħha dwar din it-talba. Il-Kummissjoni bagħtet ir-risposta tagħha fis-6 ta' Ġunju 2000, u jiena bgħattlek din l-ittra għall-osservazzjonijiet tiegħek fid-9 ta' Ġunju 2000.
Fit-2 ta' Lulju 2000 ktibtli biex tinfurmani li int ikkunsidrajt li l-Kummissjoni issa kienet wieġbet il-mistoqsijiet tiegħek u biex tirringrazzjani għall-assistenza tiegħi.
Mill-ittra tiegħek jidher li l-Kummissjoni ħadet passi biex issolvi l-kwistjoni u b’hekk issodisfatek. Għalhekk nagħlaq il-kawża.
Dejjem tiegħek
Jacob SÖDERMAN