Cháin an tOmbudsman Eorpach, P. Nikiforos Diamandouros, an t-idirdhealú a rinne an Coimisiún Eorpach i gcoinne saorateangairí atá os cionn 65 bliana d’aois. Leanann sé seo gearán ó ateangaire a stop ag fáil tairiscintí poist tar éis dó 65 bliain d'aois a bhaint amach, cé go raibh sé ag iarraidh leanúint ar aghaidh ag obair.

Rinne an tOmbudsman togra le haghaidh réiteach cairdiúil inar iarr sé ar an gCoimisiún an beartas idirdhealaitheach sin a thréigean. Mhol sé freisin go dtabharfadh an Coimisiún cúiteamh don ghearánach. Dhiúltaigh an Coimisiún dá thograí. Tá tuarascáil speisialta seolta ag an Ombudsman anois chuig Parlaimint na hEorpa (PE) ag iarraidh uirthi tacú lena seasamh.

Dúirt an tUasal Diamandouros: “Tá deireadh curtha ag Parlaimint na hEorpa lena beartais idirdhealaitheacha tar éis dom idirghabháil a dhéanamh. Is trua, dá bhrí sin, go ndéanann an Coimisiún idirdhealú fós i gcoinne daoine ar fhorais aoise."

Cúlra

Cuireann Cairt um Chearta Bunúsacha an Aontais Eorpaigh cosc ar idirdhealú ar bhonn aoise.

D’oibrigh an gearánach Beilgeach mar shaor-ateangaire ar feadh níos mó ná 35 bliana don Choimisiún Eorpach agus do Pharlaimint na hEorpa. Rinne sé ateangaireacht, ag comhdhálacha agus cruinnithe, ó Ollainnis, Béarla, Gearmáinis, Iodáilis agus Spáinnis, go Fraincis. In 2004, nuair a d’iompaigh sé 65 bliana d’aois, scoir sé de thairiscintí poist a fháil ón dá institiúid de chuid an Aontais. Thionóil sé chuig an Ombudsman, ag gearán go raibh idirdhealú á dhéanamh air ag an dá institiúid mar gheall ar a aois. D'oscail an tOmbudsman dhá fhiosrúchán ar leith.

Dheimhnigh an Coimisiún gur chaith sé le saorateangairí comhdhála os cionn 65 bliana d’aois ar bhealaí éagsúla toisc gur ghá dó deiseanna a thabhairt d’ateangairí óga nua. Ní raibh an tOmbudsman cinnte. Ghlac sé leis gur féidir údar a thabhairt uaireanta le cóireáil éagsúil ar fhorais aoise i gcúinsí eisceachtúla. Sa chás sin, áfach, bhí toirmeasc iomlán ar aon obair a thabhairt d’ateangairí os cionn 65 bliana d’aois díréireach.

Ghlac Parlaimint na hEorpa le moltaí an Ombudsman agus d'athraigh sí a cuid beartas. Tá a bheartas fruilithe bunaithe anois ar chumas gairmiúil na n-ateangairí amháin. Dhiúltaigh an Coimisiún, áfach, dá thograí chun deireadh a chur lena bheartas idirdhealaithe agus chun an gearánach a chúiteamh. Dá bhrí sin, sheol an tOmbudsman tuarascáil speisialta chuig Parlaimint na hEorpa inar cuireadh i bhfios go láidir gur sárú ar cheart bunúsach é idirdhealú aoise gan údar. Ní eisíonn sé ach tuarascálacha speisialta le haghaidh cásanna ina n-ardaítear ceisteanna tábhachtacha prionsabail.

Chun an tuarascáil speisialta a léamh, téigh chuig:

http://www.ombudsman.europa.eu/cases/specialreport.faces/en/3682/html.bookmark