Líomha(i)r

Agus nótaí dochair á n-eisiúint aige don ghearánach maidir le pionóis chonarthacha, ghníomhaigh an Coimisiún go mícheart agus go héagórach, ós rud é nár chuir sé na himthosca seo a leanas san áireamh:

1) Chuir Rúnaíocht Ghrúpa Stát ACC, mar an tÚdarás Conarthach, in iúl go comhsheasmhach don ghearánach nárbh fhéidir síneadh a chur leis an tréimhse chun na conarthaí a chomhlíonadh agus, dá bhrí sin, thuig an gearánach nach bhféadfaí aon iarraidh ar shíneadh a dhéanamh.

2) Ní raibh na moilleanna ar chomhlíonadh na gconarthaí inchurtha i leith an ghearánaigh ach go príomha i leith Rúnaíocht Ghrúpa Stát ACC a bheith déanach maidir le deimhnithe a sholáthar a bhaineann le díolúintí CBL agus dleachtanna allmhairiúcháin chomh maith le force majeure.

Éileamh/Éilimh

I bhfianaise phrionsabal na comhréireachta, ba cheart don Choimisiún an méid seo a leanas a dhéanamh:

1) na nótaí dochair a chúlghairm;

2) an méid fritháirimh de EUR 27 779.83 a aisíoc leis an ngearánach agus aisghabháil an mhéid atá fágtha de EUR 43 087.20 a tharscaoileadh.