A Uasail X, a chara,

An 10 Meitheamh 2019, chuir tú gearán faoi bhráid an Ombudsman Eorpaigh i gcoinne an Choimisiúin Eorpaigh. D'iarr an tOmbudsman orm déileáil leis an gcás agus freagra a thabhairt ort thar a ceann.

Baineann do ghearán leis an gcaoi ar láimhseáil an Coimisiún d’iarratas ar aistriú ceart pinsin mar aon le hiarraidh ar fhuascailt na tréimhse a d’oibrigh tú sa Choimisiún mar ghníomhaire cúnta. Áitíonn tú nár dhéileáil an Coimisiún le do chomhad tapa go leor, go ndearna sé roinnt botún agus gur chuir sé faisnéis ar fáil atá mearbhlach agus deacair a thuiscint.

Bunaithe ar an bhfaisnéis a chuir tú ar fáil dúinn, ní aimsíonn an tOmbudsman aon drochriarachán ag an gCoimisiún.

Tugaimid ar aire, in ainneoin roinnt botún agus éiginnteachtaí tosaigh maidir le roinnt gnéithe de do chomhad, go bhfuil an fhaisnéis uile is gá tugtha ag an gCoimisiún duit anois chun go mbeidh tú in ann cinneadh a dhéanamh ar an ábhar.

As na doiciméid a sheol tú chuig an Ombudsman, dealraíonn sé gur chuir an Coimisiún in iúl duit go raibh do chearta pinsin á ríomh cheana féin i mí Mheán Fómhair 2017 agus gur chuir sé in iúl duit méid na mblianta inphinsin a bhí le haistriú i mí na Nollag 2017. Tá sé ráite go seasta ag an gCoimisiún nach mór duit glacadh leis an aistriú ina iomláine nó diúltú dó, agus iarracht á déanamh agat, arna iarraidh sin duit, teacht ar réitigh a d’fhéadfadh a bheith níos fabhraí duit.

Ina theannta sin, bhí an Coimisiún freagrúil do do chuid ceisteanna go léir agus rinne sé a dhícheall saincheist atá casta ó nádúr a mhíniú.

Tuigim go mbeidh an cinneadh seo díomá ort, ach tá súil agam go bhfuil an fhaisnéis agus na mínithe thuas cabhrach mar sin féin.

Ar an mbonn sin, dúnann an tOmbudsman an cás.

Le dea-mhéin,

Tina Nilsson
Ceann Fiosrúcháin - Aonad 4

Strasbourg, 01/07/2019