Chuir an gearánach, eagraíocht neamhrialtasach, imní in iúl faoin gcaoi a láimhseálann Ard-Stiúrthóireacht Trádála agus Slándála Eacnamaíche an Choimisiúin Eorpaigh (AS TRADE) idirghníomhaíochtaí le hionadaithe thionscal an tobac. Go sonrach, áitíonn an gearánach go raibh Ard-Stiúrthóireacht na Trádála ag gabháil d’idirghníomhaíochtaí rialta, neamhriachtanach agus neamh-thrédhearcacha le tionscal an tobac de shárú ar Chreat-Choinbhinsiún na hEagraíochta Domhanda Sláinte maidir le Rialú Tobac, a bhfuil an tAontas ina pháirtí ann. Líomhnaíonn an gearánach gur féidir leis na hidirghníomhaíochtaí sin an bonn a bhaint d’iarrachtaí rialaithe tobac agus de bheartais sláinte poiblí i dtríú tíortha, go háirithe tíortha ísealioncaim agus meánioncaim.

D’oscail an tOmbudsman fiosrúchán agus d’iarr sí go ndéanfaí iniúchadh ar dhoiciméid éagsúla de chuid an Choimisiúin maidir lena hidirghníomhaíochtaí le tionscal an tobac chomh maith le doiciméid ghaolmhara ina luaitear tobac nó nicitín a bhaineann le plé le tríú tíortha.