Il-prinċipji ta’ amministrazzjoni tajba jirrikjedu wkoll li l-valutazzjoni sostantiva tal-informazzjoni żvelata skont l-Artikolu 22b titwettaq bir-reqqa, b’mod imparzjali u oġġettiv. L-uffiċjal li jiżvela din l-informazzjoni ovvjament jistenna li l-awtoritajiet infurmati jieħdu azzjoni. Min-naħa l-oħra, l-obbligu primarju ta’ dawn l-awtoritajiet huwa li jevalwaw bir-reqqa l-informazzjoni żvelata qabel ma jiddeċiedu dwar l-azzjoni ta’ segwitu xierqa. F'ċerti ċirkostanzi, jista' jkun xieraq li ma tittieħed l-ebda azzjoni ta' segwitu. Madankollu, tkun xi tkun id-deċiżjoni, l-awtorità infurmata għandha tagħti r-raġunijiet għaliha. Jekk dan isir b’mod xieraq u jiġi spjegat lill-informatur il-passi meħuda fit-trattament tal-iżvelar tiegħu jevitaw li tingħata l-impressjoni li l-awtorità avviċinata abbażi tal-Artikolu 22b tar-Regolamenti tal-Persunal ma evalwatx il-fajl jew li kien hemm kollużjoni bejn dik l-awtorità u l-istituzzjoni kkonċernata mill-iżvelar.