An tOmbudsman Eorpach

Féachann an tOmbudsman Eorpach le torthaí cothroma a bhaint amach maidir le gearáin i gcoinne institiúidí an Aontais Eorpaigh, spreagann sé trédhearcacht, agus cuireann sé cultúr riaracháin seirbhíse chun cinn. Tá sé mar aidhm aici muinín a chothú trí idirphlé idir saoránaigh agus an tAontas Eorpach agus na caighdeáin iompair is airde a chothú in institiúidí an Aontais.

Ár dtreoirphrionsabail: Ionracas, Cothromaíocht, Cuntasacht, Idirphlé agus Seirbhís.

Is fostóir comhdheiseanna é an tOmbudsman Eorpach a spreagann iarratais ó fhir agus ó mhná cáilithe agus nach ndéanann idirdhealú ar bhonn, i measc nithe eile, aoise, míchumais, cine, reiligiúin nó gnéaschlaonta.

1. Cuspóir an ghlao ar léiriú spéise

Tá nós imeachta roghnúcháin á eagrú ag an Ombudsman Eorpach chun painéal iarrthóirí a thiomsú don phost mar Oifigeach Meán Sóisialta agus For-rochtana. Cuirfear na hiarrthóirí a roghnófar ag deireadh an phróisis roghnúcháin ar phainéal ar a mbeidh cúigear iarrthóirí ar a mhéad. Beidh an liosta ionadaithe bailí ar feadh dhá bhliain agus féadfar síneadh a chur lena bhailíocht. Ar dtús, tá sé beartaithe ag an Ombudsman duine amháin a earcú ón bpainéal, chun tús a chur leis an obair an 1 Bealtaine 2014.

2. Áit fostaíochta

Is í an Bhruiséil an áit fostaíochta.

Féadfar an t-iarrthóir a earcófar a athshannadh chuig oifig an Ombudsman Eorpaigh in Strasbourg agus féadfaidh misin laistigh den Aontas Eorpach agus lasmuigh de a bheith i gceist lena chúraimí/cúraimí.

3. Coinníollacha fostaíochta

An t-iarrthóir a roghnófar ón bpainéal, fostófar é mar ghníomhaire ar conradh de chuid Ghrúpa Feidhme III faoi chonradh a mhairfidh go cinnte. Féadfar an conradh a athnuachan. Ón 1 Eanáir 2014, is é sé bliana an uastréimhse fostaíochta do ghníomhairí ar conradh Ghrúpa Feidhme III.

4. Cineál na gcúraimí

Faoi mhaoirseacht Cheann an Aonaid Cumarsáide agus Leas-Cheann an Aonaid Cumarsáide, beidh an tOifigeach Meán Sóisialta agus For-rochtana freagrach as an méid seo a leanas:

• Gníomhaíochtaí meán sóisialta an Ombudsman Eorpaigh a chomhordú:
  • Straitéis an Ombudsman Eorpaigh maidir leis na Meáin Shóisialta a chur chun feidhme agus a fhorbairt tuilleadh;
  • Ábhar a fhorbairt lena chomhroinnt ar ardáin iomchuí meán sóisialta;
  • Faireachán a dhéanamh ar ardáin na meán sóisialta agus freagairt do phostálacha ar na meáin shóisialta ar bhealach comhsheasmhach;
  • Bealaí a aimsiú agus a chur chun feidhme chun an tairbhe is mó is féidir a bhaint as na meáin shóisialta ar fud raon gníomhaíochtaí cumarsáide an Ombudsman;
  • Comhoibriú le hinstitiúidí eile an AE, le Líonra Eorpach na nOmbudsman, agus le príomhpháirtithe leasmhara eile an Ombudsman chun tionchar ghníomhaíochtaí meán sóisialta an Ombudsman a mhéadú;
  • Gníomhaíochtaí an Ombudsman ar na meáin shóisialta a chur i láthair ag imeachtaí inmheánacha agus seachtracha;
  • Iniúchadh córasach a dhéanamh ar fhorbairtí i réimse na meán sóisialta chun a chinntiú go mbainfidh an tOmbudsman an úsáid is éifeachtaí as uirlisí nua de réir mar a thagann siad chun cinn.
• Rannchuidiú le gníomhaíochtaí cumarsáide eile an Ombudsman Eorpaigh:
  • Ábhar dinimiciúil ardcháilíochta i mBéarla a dhréachtú d'fhoilseacháin ar líne agus as líne an Ombudsman agus do ghníomhaíochtaí for-rochtana eile;
  • Cur go gníomhach le gníomhaíochtaí for-rochtana an Ombudsman, lena n-áirítear imeachtaí, cuairteanna agus obair sna meáin.

5. Incháilitheacht

Tá an nós imeachta ar oscailt d’iarrthóirí a chomhlíonann na coinníollacha seo a leanas ar an dáta deiridh chun iarratais a chur isteach.

(a) Coinníollacha íosta

Ní mór d’iarrthóirí:

• go bhfuil saoránacht an Aontais Eorpaigh acu;
• cearta iomlána mar shaoránach a theachtadh;
• aon oibleagáidí a fhorchuirtear orthu leis na dlíthe ábhartha maidir le seirbhís mhíleata a bheith comhlíonta acu;
• leibhéal oideachais arb ionann é agus leibhéal iar-mheánoideachais ar baineadh dioplóma amach dá bharr, nó leibhéal meánoideachais ar baineadh dioplóma amach dá bharr lenar féidir leanúint ar aghaidh go dtí an t-oideachas iar-mheánscoile.

(b) Coinníollacha sonracha

(i) An t-eolas agus an taithí atá ag teastáil

• Eolas maith ginearálta ar institiúidí agus ar riarachán an Aontais Eorpaigh;
• Taithí ghairmiúil chruthaithe trí bliana ar a laghad i réimse na cumarsáide, lena n-áirítear taithí chruthaithe bliana amháin ar a laghad ag obair leis na meáin shóisialta in institiúid, comhlacht, oifig nó gníomhaireacht de chuid an Aontais Eorpaigh. Ní mór an méid seo a leanas a dhéanamh leis an taithí sin ar na meáin shóisialta:

(a) An t-aon chúram nó an príomhchúram a rinneadh i rith na bliana atá i gceist;
(b) Tá sé tar éis tarlú le dhá bhliain anuas.

(ii) Scileanna

• Sárscileanna cumarsáide;
• Sárchumas scríobh gonta, go cruthaitheach agus le tionchar i mBéarla;
• Breithiúnas den scoth;
• An cumas dul in oiriúint do thimpeallacht idirnáisiúnta agus ilchultúrtha;
• An cumas oibriú i bhfoireann agus tacú le comhghleacaithe eile ina gcuid cúraimí;
• An cumas déileáil go héifeachtach le timpeallacht oibre/institiúideach atá ag athrú.

(iii) Teangacha

• I bhfianaise chineál na gcúraimí, tá gá le heolas coibhéiseach máthairtheanga ar an mBéarla chomh maith le heolas sásúil ar theanga oifigiúil eile de chuid an Aontais Eorpaigh;
• Bheadh eolas ar theangacha oifigiúla breise an Aontais Eorpaigh ina bhuntáiste.

6. Spriocdháta chun iarratais a chur isteach

Ní mór tagairt a dhéanamh in iarratais [1] don ghlao ar léiriú spéise: OMB/CA/02/2013 - Oifigeach Meán Sóisialta agus For-rochtana agus ní mór é a sheoladh tríd an bpost cláraithe chuig an seoladh a léirítear thíos faoin 17 Eanáir 2014 ar a dhéanaí:

Aonad
Pearsanra, Riaracháin agus Buiséid Oifig an Ombudsman Eorpaigh
Glao ar léiriú spéise OMB/CA/02/2013
1, avenue du Président Robert Schuman
CS 30403
67001 Strasbourg Cedex
France

Ní mór na nithe seo a leanas a bheith san áireamh sna hiarratais:

a) Foirm iarratais atá comhlánaithe go cuí agus atá le fáil ar shuíomh gréasáin an Ombudsman Eorpaigh ag an seoladh seo a leanas: http://ombudsman.europa.eu;

litir ina mínítear na cúiseanna atá ag an iarrthóir le hiarratas a dhéanamh;

cóip de curriculum vitae an iarrthóra i mBéarla (CV Europass más féidir: http://europass.cedefop.europa.eu);

cóip de dhoiciméad lena gcruthaítear saoránacht an iarratasóra;

cóip den dioplóma a chomhlíonann na ceanglais atá leagtha amach i Roinn 5(a) den ghlao seo ar léiriú spéise;

cóipeanna d'fhianaise ar thaithí ghairmiúil (amhail conradh nó fianú sínithe ag an bhfostóir) le haghaidh gach poist, lena léirítear go soiléir na dátaí tosaigh agus críochnaithe, teideal an phoist, agus cineál beacht na ndualgas a rinneadh.

liosta uimhrithe de na doiciméid tacaíochta uile.

Ní gá na cóipeanna thuasluaite a dheimhniú. Ós rud é nach gcuirfear na doiciméid ar ais chuig na hiarrthóirí, ba cheart tíolacadh na ndoiciméad bunaidh a sheachaint.

Eisiafar iarratais neamhiomlána ón roghnú.

7. An nós imeachta

a) Is é an 17 Eanáir 2014 ar a dhéanaí an dáta a phostófar an t-iarratas. Measfar iarratais a chuirfear suas tar éis an 17 Eanáir 2014 a bheith neamh-inghlactha.

b) Déanfaidh an Coiste Roghnúcháin atá le ceapadh ag an Ombudsman Eorpach scrúdú ar na hiarratais a sheolfar laistigh den dáta deiridh chun a chinneadh an gcomhlíonann na hiarrthóirí (agus an bhfuil an fhianaise riachtanach curtha isteach acu go gcomhlíonann siad) an chéad agus an ceathrú ceann de na coinníollacha íosta incháilitheachta atá leagtha amach i Roinn 5(a) den ghlao seo ar léiriú spéise. Eisiafar iarrthóirí nach gcomhlíonann na coinníollacha íosta sin (nó nár chuir isteach an fhianaise riachtanach go gcomhlíonann siad na coinníollacha íosta sin). Ní iarrfar ach ar an iarrthóir a earcófar faisnéis a chur ar fáil lena ndeimhnítear go gcomhlíonann sé nó sí an dara agus an tríú ceann de na coinníollacha íosta incháilitheachta.

c) Déanfaidh an Coiste Roghnúcháin measúnú ar iarratais incháilithe ar bhonn cháilíochtaí agus thaithí ghairmiúil na n-iarrthóirí, chun gearrliosta de na hiarrthóirí is oiriúnaí a thiomsú.

d) Tabharfar cuireadh do na hiarrthóirí ar an ngearrliosta seo dul faoi agallamh agus triail scríofa a dhéanamh chun go ndéanfaidh an Coiste Roghnúcháin próifíl, eolas agus scileanna na n-iarrthóirí a mheas agus painéal de thriúr buaiteoirí ar a mhéad a thiomsú [2].

Gheobhaidh na hiarrthóirí admháil go bhfuarthas a n-iarratais. Na hiarrthóirí sin a meastar a n-iarratais a bheith neamh-inghlactha nó nach gcomhlíonann na coinníollacha íosta incháilitheachta, cuirfear ar an eolas iad a luaithe is féidir.

Iarrthóirí a bhfuil a n-iarratais inghlactha agus a chomhlíonann na coinníollacha íosta incháilitheachta, cuirfear in iúl dóibh ar cuireadh a n-ainm ar ghearrliosta na n-iarrthóirí is oiriúnaí a luaithe a bheidh gearrliosta den sórt sin tarraingthe suas.

Cuirfear in iúl do na hiarrthóirí a cuireadh ar an ngearrliosta cé acu a cuireadh nó nár cuireadh a n-ainm ar an bpainéal a luaithe a bheidh liosta ionadaithe den sórt sin curtha le chéile.

Strasbourg, 18/12/2013

Emily O'REILLY