L-Ombudsman diġà kien tal-fehma li huwa essenzjali għall-korpi tal-UE li jżommu rekord tal-analiżi tagħhom tal-allegati kunflitti ta' interess u li jkunu f'pożizzjoni li jiddefendu d-deċiżjonijiet tagħhom fil-konfront taċ-ċittadini tal-UE, meta jintalbu jagħmlu dan. Dan l-approċċ huwa strumentali fil-bini tal-fiduċja u l-kunfidenza tal-pubbliku fl-attivitajiet tal-istituzzjonijiet tal-UE. Is-sempliċi dikjarazzjoni li ma kien hemm l-ebda kunflitt ta’ interess, mingħajr l-ebda indikazzjoni tar-raġunijiet li dan jitqies li huwa hekk, mhijiex biżżejjed biex tassigura lill-ilmentatur u lill-pubbliku ġenerali li l-Artikolu 6(1) tad-deċiżjoni tal-Bord tat-Tmexxija tal-EASA dwar il-proċeduri ta’ ċertifikazzjoni fil-fatt ġie rrispettat.