Tá an tOmbudsman den tuairim, má thagann an Coimisiún ar an eolas go bhféadfadh sé gur úsáideadh doiciméid a cuireadh ar aghaidh chuig tríú páirtithe le haghaidh tuairimí i gcomhthéacs imeachtaí cumaisc go míchuí (mar shampla, go bhféadfadh sé gur nochtadh don phreas iad), go gceanglaítear air an t-ábhar a imscrúdú go hiomlán. Go sonrach, de réir phrionsabail an dea-riaracháin, ba cheart don Choimisiún gach beart is féidir a dhéanamh chun foinse an sceite fhéideartha a shainaithint agus na bearta iomchuí uile a dhéanamh i gcomhréir lena chonclúidí.