Foráiltear le hAirteagal 4(2) agus le hAirteagal 4(3) de Rialachán 1049/2001 nach ceadmhach d’institiúid doiciméad a eisiúint don phobal má tá feidhm ag ceann de na leasanna a leagtar amach sna forálacha sin, ach amháin má tá leas sáraitheach poiblí ann i dtaca le nochtadh poiblí. Tugann an tOmbudsman dá haire go gceanglaítear ar institiúid a ndéantar iarraidh chuici de bhun Rialachán 1049/2001 an Rialachán a chur i bhfeidhm ina iomláine. Is éard atá i gceist leis sin anailís iomlán a dhéanamh chun a chinneadh an ann do leas sáraitheach poiblí maidir le nochtadh. Cuireann an tOmbudsman i bhfios go láidir, ina leith sin, gur cinnte go bhfuil sé ceart don institiúid a ndéantar iarraidh ar rochtain phoiblí chuici scrúdú a dhéanamh ar argóintí a chuireann iarratasóir chun cinn maidir le leasanna sáraitheacha poiblí. Tugann an tOmbudsman dá aire, áfach, gur cheart don institiúid lena mbaineann, ex officio, a scrúdú féin a dhéanamh freisin chun a shuí an bhfuil leas sáraitheach poiblí ann maidir le nochtadh.