Seachtain FBM

Seimineár arna eagrú ag an Ombudsman Eorpach

"An tOmbudsman Eorpach agus an t-athchóiriú ar rialacha airgeadais an AE"

ina bhfuil:

P. Nikiforos Diamandouros, an tOmbudsman Eorpach

Ian Harden, Ard-Rúnaí an Ombudsman Eorpaigh

10 Meitheamh 2010, 10h

Foirgneamh Eastman, Rue Belliard 135-37, an Bhruiséil

Cur síos ar an seimineár

Tá an Coimisiún Eorpach chun a thogra a thíolacadh i lár 2010 chun na rialacha airgeadais do thionscadail agus do chláir arna maoiniú ag an AE a athchóiriú. Tá an tsaincheist sin ríthábhachtach do FBManna, d’eagraíochtaí neamhrialtasacha agus do dhaoine eile a d’fhéadfadh a bheith rannpháirteach i gcláir den sórt sin. Maidir le faighteoirí agus faighteoirí féideartha chistí an Aontais, sainaithníodh go bhfuil ábharthacht ar leith ag baint le dhá thopaic, eadhon, dámhachtain deontas agus an chaoi a láimhseálann an Coimisiún comhaid airgeadais.

Dhéileáil an tOmbudsman Eorpach le líon mór gearán a bhaineann leis an rialachán airgeadais, mar shampla, maidir le fadhbanna a bhaineann le híocaíochtaí déanacha. Dá bhrí sin, tá sé in ann a aithint go maith cá háit a bhféadfaí feabhas a chur air. Le linn an tseimineáir seo, tabharfaidh an tOmbudsman breac-chuntas ar a chuid moltaí maidir le hathchóiriú an rialacháin airgeadais, a chlúdóidh na réimsí seo a leanas:

• Na hualaí riaracháin a bhaineann leis an Rialachán Airgeadais a laghdú;
• Íocaíocht dhéanach;
• Cearta fochonraitheoirí agus foirne;
• Aisghabháil suimeanna a íocadh go míchuí a tharscaoileadh;
• Íocaíochtaí ex gratia i gcásanna eisceachtúla drochriaracháin; agus
• Faisnéis a sholáthar faoi leigheasanna.

Tá an fhoirm chlárúcháin ar fáil ag: http://www.ombudsman.europa.eu/shortcuts/document.faces/en/4790/pdf.bookmark

Seol an fhoirm faoin 2 Meitheamh chuig Gabrielle SHERIDAN, facs: +33 (0)3 88 17 90 62