Sainordú EFSA chun "go bhfuil bia na hEorpa sábháilte" a chinntiú, is díol spéise ar leith é do shaoránaigh an AE. Chuirfí comhlíonadh an mhisin sin i mbaol i gcásanna ina bhféadfadh cur chuige EFSA a bheith ina chúis le tuiscint gur theip air coinbhleacht leasa a d’fhéadfadh a bheith ann a shainaithint agus a mheasúnú i gceart. Agus í ag cabhrú le EFSA a mhisean a bhaint amach, tuigeann an tOmbudsman gurb é a ról féin aon teipeanna i ndáil le láimhseáil coinbhleachtaí leasa féideartha a shainaithint agus, sa mhéid gur cásanna drochriaracháin iad, cabhrú le EFSA deireadh a chur leo. Rud atá tábhachtach, chun dea-riarachán a chur chun cinn, is é ról an Ombudsman treoir agus comhairle a sholáthar do EFSA chun na rialacha agus na nósanna imeachta atá i bhfeidhm a fheabhsú ionas nach dtarlóidh aon chásanna drochriaracháin den sórt sin arís amach anseo.