Il-każ kien jikkonċerna talba għal aċċess pubbliku għal studju dwar l-effikaċja ta’ apparati kontra t-tbagħbis imqiegħda fuq il-mediċini. Għalkemm l-istudju ssemma waqt laqgħa ta’ grupp ta’ esperti tal-Kummissjoni, il-Kummissjoni qalet li ma għandhiex id-dokument.

It-tim ta' inkjesta tal-Ombudsman iltaqa' ma' rappreżentanti tal-Kummissjoni. Matul il-laqgħa, il-Kummissjoni ċċarat li l-istudju kien analiżi ta’ kampjuni ta’ apparati kontra t-tbagħbis, bil-membri tal-grupp ta’ esperti jirreferu għar-riżultati ta’ din l-analiżi matul id-diskussjoni tagħhom. L-ebda dokument dwar din l-analiżi ma tqassam qabel jew wara l-laqgħa tal-grupp ta’ esperti.

L-Ombudsman għalqet l-inkjesta u sabet li l-ispjegazzjonijiet tal-Kummissjoni kienu raġonevoli. Hija tħeġġeġ lill-Kummissjoni tipprovdi spjegazzjonijiet ċari f'każijiet futuri simili dwar għaliex ma jinżammux dokumenti speċifiċi.