L-Ombudsman Ewropew, P. Nikiforos Diamandouros, illum iltaqa' mal-kontroparti Franċiża tiegħu, is-Sur Jean-Paul Delevoye, fi Strasburgu biex jiddiskuti l-kooperazzjoni bejn l-istituzzjonijiet tagħhom. Din kienet l-ewwel laqgħa tagħhom, wara l-ħatra tas-Sur Delevoye bħala Médiateur de la République f’April ta’ din is-sena.

Iż-żewġ Ombudsmen qablu li għandhom jistinkaw biex:

• biex jittratta l-ilmenti taċ-ċittadini malajr kemm jista' jkun - bħala l-istituzzjoni inkarigata mill-promozzjoni ta' amministrazzjoni tajba, l-ombudsman għandu jittratta l-ilmenti taċ-ċittadini fil-ħin;


• li jiġi żgurat li ċ-ċittadini jkunu jafu eżattament lil min għandhom jirrikorru bl-ilmenti tagħhom - dan huwa vitali sabiex l-ilmenti jintbagħtu direttament lill-korp li jinsab fl-aħjar pożizzjoni biex jittrattahom;


• biex jaħdmu flimkien biex isolvu l-ilmenti taċ-ċittadini b'mod effettiv - din il-kooperazzjoni tinkludi t-trasferiment ta' lmenti, fejn xieraq, u l-iskambju ta' informazzjoni permezz tan-netwerk ta' ombudsmen nazzjonali u reġjonali tal-Ombudsman Ewropew.

Waqt li kkummenta dwar il-laqgħa, is-Sur Diamandouros qal "L-Ombudsman Ewropew dejjem ħadem mill-qrib mal-kontroparti Franċiża tiegħu. Wara l-laqgħa tal-lum, ninsab konvint li din il-kooperazzjoni se tmur minn saħħa għal saħħa. L-isforzi konġunti tagħna għandhom jgħinu biex jiġi żgurat li l-- tal-amministrazzjoni pubblika kemm fil-livell Ewropew kif ukoll f'dak nazzjonali jwettaq il-wegħdiet li saru liċ-ċittadini."