Postijiet permanenti miftuħa biss għal:

● Uffiċjali tal-Uffiċċju tal-Ombudsman Ewropew skont l-Artikolu 29(1)(a) tar-Regolamenti tal-Persunal;

● Uffiċjali tal-istituzzjonijiet kollha tal-Unjoni Ewropea skont l-Artikolu 29(1)(b) tar-Regolamenti tal-Persunal;

● Kandidati mqiegħda f’listi ta’ riżerva mill-Uffiċċju Ewropew għas-Selezzjoni tal-Persunal (EPSO).

L-Ombudsman Ewropew

L-Ombudsman Ewropew ifittex eżiti ġusti għall-ilmenti kontra l-istituzzjonijiet tal-Unjoni Ewropea, iħeġġeġ it-trasparenza, u jippromwovi kultura amministrattiva ta' servizz. Hija għandha l-għan li tibni l-fiduċja permezz ta' djalogu bejn iċ-ċittadini u l-Unjoni Ewropea u li trawwem l-ogħla standards ta' mġiba fl-istituzzjonijiet tal-Unjoni.

Il-prinċipji gwida tagħna: L-Integrità, il-Ġustizzja, ir-Responsabbiltà, id-Djalogu, u s-Servizz.

L-Ombudsman Ewropew huwa impjegatur ta' opportunitajiet indaqs li jinkoraġġixxi applikazzjonijiet minn irġiel u nisa kwalifikati u ma jiddiskriminax fuq il-bażi ta', fost l-oħrajn, l-età, id-diżabilità, ir-razza, ir-reliġjon, jew l-orjentazzjoni sesswali.

Kategorija u grad

Uffiċjali legali tal-grad AD 5 sa AD 6.

Il-kandidati li jkunu għaddew mill-kompetizzjonijiet tal-EPSO jiġu reklutati fil-grad previst mil-lista ta’ riżerva li jkunu tqiegħdu fiha.

Post tal-impjieg

Strasburgu jew Brussell.

Dawn il-karigi jistgħu jinvolvu missjonijiet f’postijiet tax-xogħol oħra tal-istituzzjonijiet. Dawn jistgħu jinvolvu wkoll missjonijiet lejn pajjiżi oħra fl-Unjoni Ewropea jew barra minnha.

In-natura tal-kompiti

● L-analiżi tal-ilmenti ppreżentati lill-Ombudsman Ewropew u t-trattament tal-inkjesti mwettqa mill-Ombudsman;

● Il-proposta u t-trattament ta' inkjesti mwettqa fuq inizjattiva proprja tal-Ombudsman Ewropew;

● L-abbozzar u l-proposta ta' noti u deċiżjonijiet għall-firma tal-Ombudsman Ewropew, kif ukoll dokumenti uffiċjali oħra relatati mal-inkjesti tagħha u l-korrispondenza maċ-ċittadini;

● L-abbozzar ta’ informazzjoni għall-pubbliku b’mod aċċessibbli u li jinftiehem faċilment;

● Kontribut lejn il-propagazzjoni ta’ kultura ta’ servizz fis-servizz ċivili tal-UE;

● Kontribut għall-abbozzar tar-rapport annwali tal-Ombudsman Ewropew;

● Tassisti lill-Ombudsman Ewropew fit-tħejjija tal-attivitajiet esterni tagħha, tirrappreżenta lill-istituzzjoni f’ċerti avvenimenti pubbliċi, tittraduċi testi u tivverifika t-traduzzjonijiet.

Kwalifiki u għarfien meħtieġa

● Livell ta’ edukazzjoni li jikkorrispondi għal studji universitarji mitmuma ta’ mill-inqas tliet snin iċċertifikati b’diploma;

● Diploma fil-qasam legali [1];

● Għarfien profond tal-istituzzjonijiet, l-amministrazzjoni u l-liġi tal-UE;

● Għarfien profond ta’ waħda mil-lingwi uffiċjali tal-Unjoni Ewropea u għarfien sodisfaċenti ta’ lingwa oħra minn dawn il-lingwi;

● Għarfien tajjeb ħafna tal-Ingliż (kemm orali kif ukoll bil-miktub);

● L-għarfien ta’ lingwa/i uffiċjali addizzjonali tal-Unjoni Ewropea jkun ta’ vantaġġ.

Esperjenza professjonali

Mhi meħtieġa l-ebda esperjenza professjonali speċifika. Madankollu, l-esperjenza fit-trattament tal-ilmenti jew tal-petizzjonijiet tkun ta’ vantaġġ. L-esperjenza fl-abbozzar (jew fil-qasam legali jew f’oqsma oħra) tkun ukoll ta’ vantaġġ.

Ħiliet u kwalitajiet meħtieġa

● Ħiliet eċċellenti ta’ abbozzar, inkluża l-kapaċità li tikteb b’mod ċar;

● Kapaċità li:

o jiġu identifikati l-fatti kritiċi fi kwistjonijiet kumplessi u jiġu żviluppati soluzzjonijiet kreattivi u prattiċi;

jikkomunikaw b'mod ċar u preċiż kemm bil-fomm kif ukoll bil-miktub;

o tieħu r-responsabbiltà personali u l-inizjattiva biex twassal ix-xogħol għal standard għoli ta’ kwalità fi ħdan il-proċeduri stabbiliti;

jiżviluppaw u jtejbu l-ħiliet personali u l-għarfien tal-organizzazzjoni u l-ambjent tagħha;

o tipprijoritizza l-aktar kompiti importanti, taħdem b’mod flessibbli u torganizza l-ammont ta’ xogħol proprju b’mod effiċjenti;

o jaħdmu b’mod kooperattiv ma’ oħrajn f’timijiet u bejn il-fruntieri organizzattivi u jirrispettaw id-differenzi bejn in-nies;

xogħol f'ambjent multikulturali;

o jibqgħu effettivi taħt ammont kbir ta’ xogħol, jimmaniġġjaw il-frustrazzjonijiet organizzattivi b’mod pożittiv u jadattaw għal ambjent tax-xogħol li qed jinbidel;

● Impenn lejn kultura ta’ servizz.

Applikazzjonijiet

L-applikazzjonijiet ^[2] għandhom jirreferu għall-avviż ta’ pożizzjoni vakanti: MB/04/2015 - Legal Officers AD 5/AD 6 u għandhom jintbagħtu bil-posta rreġistrata fl-indirizz indikat hawn taħt. Id-data tal-istazzjonar tal-applikazzjoni għandha tkun mhux aktar tard mill-21 ta' Mejju 2015. L-applikazzjonijiet mibgħuta wara l-21 ta' Mejju 2015 għandhom jitqiesu inammissibbli.

Uffiċċju tal-Ombudsman Ewropew
Persunal, Amministrazzjoni u Unità tal-Baġit Avviż ta' pożizzjoni vakanti OMB/04/2015 - Uffiċjali Legali AD 5/AD 6
1, avenue du Président Robert Schuman
CS 30403
67001 Strasburgu Cedex
France

L-applikazzjonijiet għandhom jinkludu:

a) Formola ta' applikazzjoni mimlija kif xieraq, li tista' tinstab fuq is-sit web tal-Ombudsman Ewropew fl-indirizz li ġej: http://ombudsman.europa.eu/vacancy;

ittra li tispjega r-raġunijiet tal-kandidat għall-applikazzjoni;

kopja tal-curriculum vitae tal-kandidat (preferibbilment CV tal-Europass: http://europass.cedefop.europa.eu);

d) Għall-uffiċjali tal-istituzzjonijiet tal-UE, kopja tat-tliet rapporti ta' evalwazzjoni l-aktar reċenti tal-applikant [3].

Applikazzjonijiet mhux kompluti se jiġu esklużi mill-għażla.

Il-kandidati huma mistiedna jipprovdu indirizz tal-posta elettronika validu li għandu jintuża għall-komunikazzjonijiet mill-Uffiċċju tal-Ombudsman dwar din il-proċedura.

Strasburgu, 29/04/2015

Emily O'Reilly

 

[1] Din id-diploma tista’ tkun identika għad-diploma msemmija hawn fuq li tiċċertifika studji universitarji mitmuma ta’ mill-inqas tliet snin.

[2] L-ipproċessar tad-data personali mill-Ombudsman Ewropew huwa rregolat mir-Regolament (KE) Nru 45/2001 tal-Parlament Ewropew u tal-Kunsill, tat-18 ta’ Diċembru 2000, dwar il-protezzjoni ta’ individwu fir-rigward tal-ipproċessar ta’ data personali mill-istituzzjonijiet u l-korpi tal-Komunità u dwar il-movement liberu ta’ dak id-data (ĠU Edizzjoni Speċjali bil-Malti, Kapitolu 13, Vol. 27, p. 102). Meta jippreżentaw applikazzjoni għal kariga fi ħdan l-Uffiċċju tal-Ombudsman Ewropew, il-kandidati huma mifhuma li taw il-kunsens tagħhom, skont it-tifsira tal-Artikolu 5(d) tar-Regolament, għall-ipproċessar tad-data personali li tinsab fl-applikazzjoni u d-dokumenti ta' sostenn mehmuża magħha. Id-data personali inkwistjoni tinġabar mill-Uffiċċju tal-Ombudsman Ewropew għall-iskop uniku ta' din il-proċedura tal-għażla. Il-kandidati għandhom id-dritt li jaċċessaw u jirrettifikaw id-data personali tagħhom stess miżmuma mill-Uffiċċju tal-Ombudsman Ewropew.

Id-data personali dwar il-kandidati li ma jintgħażlux għandha tinqered sentejn wara li tkun skadiet il-lista ta’ riżerva. L-applikazzjonijiet sottomessi għall-finijiet ta’ din il-proċedura tal-għażla ma għandhomx jitqiesu għall-finijiet ta’ dawk futuri.

Id-data personali dwar il-kandidati reklutati għandha tinżamm mill-Uffiċċju ta' l-Ombudsman Ewropew u tista' tiġi trasferita lil Istituzzjonijiet Komunitarji oħra għal finijiet amministrattivi.

Il-kandidati jistgħu fi kwalunkwe ħin jikkonsultaw lill-Uffiċjal tal-Protezzjoni tad-Data tal-Ombudsman Ewropew jew jirrikorru għand il-Kontrollur Ewropew għall-Protezzjoni tad-Data.

[3] Jekk sa issa jkunu tfasslu inqas minn tliet rapporti ta’ evalwazzjoni għal kandidat, dan tal-aħħar għandu jibgħat dawk ir-rapporti ta’ evalwazzjoni li jkunu tfasslu.