Hija mġiba amministrattiva tajba li l-persunal jiġi infurmat dwar l-iskadenzi li fihom jistgħu jiġu eżerċitati r-rimedji legali. Dan jippermetti lill-membri tal-persunal jeżerċitaw sal-iskadenzi l-possibbiltajiet suċċessivi ta’ appell disponibbli għalihom. In-nuqqas ta’ indikazzjoni ċara tal-iskadenzi applikabbli joħloq riskju li l-membri tal-persunal jitilfu l-iskadenzi, li jista’ jħallihom b’sens ta’ frustrazzjoni. Dan żgur mhux fl-interess tal-istituzzjoni li timpjegahom. Politika proattiva dwar ir-riżorsi umani għandha tipprevjeni li jinqalgħu sitwazzjonijiet bħal dawn. Dan jista’ jinkiseb sempliċiment billi jiġu indikati lill-persunal l-iskadenzi applikabbli