Għażiż Sur R.,

Fit-8 ta’ Lulju 1998, inti ssottomettejt ilment kontra l-Kummissjoni Ewropea li kien jikkonċerna r-rifjut tal-Kummissjoni li tipprovdilek ċerta informazzjoni fir-rigward tal-ilment P/93/4490/UK li inti kont ippreżentajt lill-Kummissjoni.

Fit-23 ta' Novembru 2000, u wara inkjesta fil-fond dwar l-ilment tiegħek, ippreżentajt rapport speċjali lill-Parlament Ewropew, f'konformità mal-Artikolu 3 (7) tal-Istatut tal-Ombudsman Ewropew. Kopja ta' dan ir-rapport speċjali ntbagħtet lill-Kummissjoni. F’dan ir-rapport speċjali rrakkomandajt li l-Kummissjoni tinfurmak bl-ismijiet tad-delegati tal-Confédération des brasseurs du marché commun li kienu attendew laqgħa organizzata mill-Kummissjoni fil-11 ta’ Ottubru 1996 u ta’ kumpaniji u persuni fl-14-il kategorija identifikati fit-talba oriġinali tiegħek għal aċċess għal dokumenti li kienu għamlu sottomissjonijiet lill-Kummissjoni taħt ir-referenza tal-fajl P/93/4490/UK.

Fis-27 ta' Novembru 2001, il-Kumitat għall-Petizzjonijiet tal-Parlament Ewropew adotta rapport (referenza A5-0423/2001) li fih approva r-rapport speċjali tiegħi u ppreżenta abbozz ta' riżoluzzjoni għal dak il-għan. Ir-rapport ġie abbozzat minn Jean Lambert MEP.

Fil-11 ta' Diċembru 2001, il-Parlament Ewropew ivvota biex japprova r-riżoluzzjoni dwar ir-Rapport Speċjali ta' l-Ombudsman. Fir-riżoluzzjoni tiegħu, il-Parlament Ewropew kien tal-fehma li l-Kummissjoni għandha tipprovdilek l-informazzjoni li kont tlabt. Il-PE rrakkomanda wkoll xi miżuri ulterjuri, pereżempju li għandhom jitfasslu mudelli ta’ kodiċijiet ta’ kondotta sabiex jiġu stabbiliti standards bil-ħsieb li jiġi evitat l-abbuż tal-protezzjoni tad-data għal skopijiet oħra.

Peress li l-Parlament Ewropew issa lesta l-eżami tiegħu tar-rapport speċjali tiegħi u approva l-konklużjonijiet tiegħu, se nagħlaq il-fajl.

Issa tista' terġa' lura għand il-Kummissjoni u tistedinha terġa' tikkunsidra l-pożizzjoni tagħha fid-dawl tal-fehmiet espressi mill-Parlament Ewropew.

Dejjem tiegħek,

Jacob SÖDERMAN