A Uasail X, a chara,

Tá gearán faighte ag an Ombudsman i gcoinne Ghníomhaireacht an Aontais Eorpaigh i ndáil le Comhar i bhForfheidhmiú an Dlí (Europol).

Is obair leantach é an gearán ar fhiosrúchán roimhe seo ón Ombudsman [1] maidir le rochtain phoiblí ar dhoiciméid a bhaineann leis an togra le haghaidh Rialacháin chun mí-úsáid ghnéasach leanaí ar líne (CSAM) a chosc agus a chomhrac. Tar éis idirghabháil an Ombudsman sa chás roimhe sin, rinne Europol athmheasúnú ar iarraidh an ghearánaigh ar rochtain agus sholáthair sé rochtain pháirteach ar na doiciméid a shainaithin sé.

Tá an gearánach míshásta, áfach, leis an rochtain a deonaíodh i ndáil le 15 dhoiciméad, ar nochtadh aon doiciméad déag díobh go páirteach:

• A mhéid a bhaineann le malartuithe idir Europol agus an fhondúireacht Thorn atá bunaithe sna Stáit Aontaithe lena gcumhdaítear an tréimhse ón 1 Eanáir 2021 go dtí an 24 Feabhra 2023: doiciméid (5) 1363279, (6) 1364509, (7) 1364515, (8) 1364517, (9) 1364519, (10) 1364522, (11) 1364524, (13) 1364533, (16) 1364562, (20) 1364580;
• A mhéid a bhaineann le malartuithe leis an gCoimisiún Eorpach maidir le mí-úsáid ghnéasach leanaí/saothrú gnéasach leanaí ar líne agus/nó an Rialachán maidir le hábhar mí-úsáide gnéasaí leanaí atá beartaithe lena gcumhdaítear an tréimhse ón 1 Eanáir 2022 go dtí an 24 Feabhra 2023: doiciméid (1) 1314692 – Taifead an chruinnithe, (2) 1225400 – sreabhchairt, (3) 1228947 – téacs dlí a bhaineann leis an togra le haghaidh Rialachán maidir le hábhar mí-úsáide gnéasaí leanaí, (4) 1229034 – téacs dlí a bhaineann leis an togra le haghaidh Rialachán maidir le hábhar mí-úsáide gnéasaí leanaí, (5) 1193385 – Nóta Faisnéise agus (6) 1233769 – Taifead an Chruinnithe.

Tá cinneadh déanta againn fiosrúchán nua a oscailt maidir le cinneadh Europol rochtain (iomlán) ar na 15 dhoiciméad sin a dhiúltú.

Mar chéad chéim, measaimid gur gá iniúchadh a dhéanamh ar na doiciméid atá i gceist. Is eol dúinn gur chuir Europol, i gcomhthéacs an fhiosrúcháin roimhe seo, na doiciméid a thagann faoi raon feidhme iarraidh bhunaidh an ghearánaigh ar fáil don Ombudsman. Mar sin féin, chun a áirithiú go bhfuil cigireacht á déanamh againn ar an tacar ceart doiciméad, iarraimid ar Europol na 15 dhoiciméad atá i gceist sa ghearán seo a sholáthar dúinn (más féidir, cóipeanna marcáilte lena léirítear na codanna a nochtadh don ghearánach agus na codanna nár nochtadh, agus an réasúnaíocht leis na foluithe). Ina theannta sin, measaimid gur gá iniúchadh a dhéanamh ar na doiciméid a bhaineann le haon chomhairliúchán le tríú páirtithe maidir leis an iarraidh ar rochtain phoiblí, ag an gcéim thosaigh agus ag an gcéim dheimhnitheach.

Bheimis buíoch dá bhféadfadh Europol na doiciméid thuasluaite a sheoladh chugainn, i bhformáid leictreonach más féidir, trí ríomhphost criptithe,[2] faoin 5 Lúnasa 2024, más féidir.

Déileálfar leis na doiciméid atá faoi réir na hiarrata ar rochtain phoiblí faoi rún, mar aon le haon ábhar eile a roghnaíonn Europol a roinnt linn a léiríonn sé faoi rún. Déanfar doiciméid den chineál sin a láimhseáil agus a stóráil i gcomhréir leis an stádas rúnda sin agus scriosfar iad ó chomhaid an Ombudsman go gairid tar éis dheireadh an fhiosrúcháin.

Leagadh amach seasamh Europol ina chinneadh daingniúcháin an 9 Iúil 2024. Mar sin féin, más mian le Europol tuairimí breise a chur ar fáil, atá le cur san áireamh ag an Ombudsman le linn an fhiosrúcháin seo, bheimis buíoch dá bhféadfaí iad a chur ar fáil dúinn laistigh de 15 lá oibre ón litir seo a fháil, is é sin, faoin 19 Lúnasa 2024.

Is í Oana Marin an t-oifigeach fiosrúcháin atá freagrach as an gcás.

Le dea-mhéin,

Rosita Hickey
Stiúrthóir Fiosrúcháin

Strasbourg, 29/07/2024

[1] Cás 1167/2023/PB https://www.ombudsman.europa.eu/en/case/en/64232

[2] Is féidir ríomhphoist chriptithe a sheoladh chuig ár mbosca ríomhphoist tiomnaithe.