A Uachtaráin, a chara,

Tá trédhearcacht gníomhaíochtaí brústocaireachta tábhachtach chun muinín an phobail as idirghníomhaíochtaí riarachán an Aontais le hionadaithe sainleasa a chothú agus chun cultúr láidir eitice a chur chun cinn.

I gcomhthéacs comhfhreagras roimhe seo maidir le misin ball foirne sinsearach de chuid an Choimisiúin a n-íocann eagraithe nó tríú páirtithe astu (i bpáirt), roinn an Coimisiún faisnéis staidrimh faoin taisteal oibre sin faoi rún leis an Ombudsman.[1]

Ón bhfaisnéis sin, ba léir go raibh méid iomlán an taistil oibre ar íoc tríú páirtithe as measartha beag. Bhí roinnt turas ann, áfach, lena n-áirítear ar an leibhéal is airde de státseirbhís an Aontais, a raibh ranníocaíochtaí ó thríú tíortha agus leasanna corparáideacha i gceist leo.

I bhfianaise an mhéid sin, chinn mé fiosrúchán a oscailt chun scrúdú a dhéanamh ar shampla ionadaíoch de na socruithe taistil oibre sin lena n-áirítear a n-údarú, d’fhonn a mheas ar mhaolaigh an Coimisiún aon riosca coinbhleachtaí leasa a d’fhéadfadh teacht chun cinn agus conas a mhaolaigh sé iad.

Mar chéad chéim, bheadh sé úsáideach liosta a fháil de na misin a rinne oifigigh shinsearacha, ó 2021 go dtí an 7 Márta 2023, ar chumhdaigh tríú tíortha nó aon chineál leasa phríobháidigh [2] costais ina leith. Ba cheart go n-áireofaí ar an liosta sonraí maidir le cé a chuaigh (ainm agus teideal), cathain, cá háit, cuspóir an mhisin nó an taistil údaraithe, agus cé a d’íoc.^[3] Tá muinín agam go bhfuil an fhaisnéis sin ar fáil go héasca ag an gCoimisiún, toisc gur dócha gur bhain sé úsáid aisti chun an fhaisnéis staidrimh dá dtagraítear thuas a tháirgeadh.

Bheinn buíoch as freagra an Choimisiúin a fháil faoin 29 Feabhra 2024.

I gcás ceisteanna, is é Koen Roovers an t-oifigeach fiosrúcháin atá freagrach.

Le dea-mhéin,

Emily O'Reilly An tOmbudsman
Eorpach

Strasbourg, 02/02/2024

[1] Féach: https://www.ombudsman.europa.eu/en/doc/correspondence/en/178996.

[2] Áirítear ar leasanna príobháideacha cuideachtaí, eagraíochtaí agus comhlachais, ach ní gá go mbeidís teoranta dóibh.

[3] Chuir an Coimisiún an cineál sin faisnéise ar fáil mar fhreagra ar iarraidh ar rochtain phoiblí ar dhoiciméid roimhe seo. Féach an doiciméad leis an tagairt seo a leanas: Ares(2023)1112208 an 15/02/2023.