Comhdháil hibrideach (digiteach agus ar an láthair).

Parlaimint na hEorpa – Foirgneamh Louise Weiss – Seomra LOW S1.4 Bealach isteach
Winston Churchill, Avenue du Président Robert Schuman, 67070 Strasbourg, an Fhrainc

Chruthaigh an cogadh san Úcráin na milliúin dídeanaithe atá ag lorg tearmainn shábháilte ar fud an Aontais. Mar fhreagairt air sin, chuir an tAontas an Treoir um Chosaint Shealadach i ngníomh den chéad uair chun cúnamh tapa a chur ar fáil do dhaoine atá ag teitheadh ón Úcráin. Ceadaítear leis an Treoir rochtain ar chóiríocht, ar fhostaíocht, ar chúram sláinte agus ar oideachas sna Ballstáit.

Tá ról lárnach ag ombudsmain maidir le monatóireacht a dhéanamh ar an gcaoi a bhfuil rialtais náisiúnta ag déileáil le dídeanaithe. Sa chomhdháil seo, a d’eagraigh Oifigí an Ombudsman Eorpaigh Emily O’Reilly agus Ombudsman na Fraince Claire Hédon, pléifidh cainteoirí sa chéad seisiún conas atá beartais náisiúnta ag obair ar an láthair, cá háit ar féidir feabhsuithe a dhéanamh agus cad iad na bearta a d’fhéadfaí a mhacasamhlú in áiteanna eile.

Chuir an phaindéim dlús mór le digitiú go leor gnéithe de shaol daoine, rud a thug go leor buntáistí ach dúshláin freisin. Sa dara seisiún, pléifear a mhéid a chuir riaracháin phoiblí riachtanais agus cearta na saoránach san áireamh le linn an phróisis digiteála sin.

Bunaíodh Líonra Eorpach na nOmbudsman (ENO) in 1996 agus nascann sé an tOmbudsman Eorpach, na hombudsmain náisiúnta agus réigiúnacha chomh maith le Coiste um Achainíocha Pharlaimint na hEorpa. Is é an tOmbudsman Eorpach a chomhordaíonn an Líonra.