Thug an tOmbudsman dá haire nach bhféadfaí an ceanglas sa Chód Eorpach um Dhea-Iompar Riaracháin an fhaisnéis a iarrann siad a sholáthar do dhaoine den phobal " a léirmhíniú sa chaoi go gceanglaítear ar institiúidí freagra saincheaptha a thabhairt do shaoránaigh ar shaincheisteanna sonracha dlí a ardaíonn siad, lena mbaineann anailís agus breithniú ar shaincheisteanna casta dlí. Mar sin féin, chuirfí srian suntasach ar an gceart atá ag saoránaigh an fhaisnéis a iarrann siad a sholáthar dóibh dá nglacfaí leis nach gcumhdaítear le raon feidhme ábhartha an chirt sin fiú amháin bunphrionsabail nó forálacha lena rialaítear eagrú inmheánach obair institiúide a shainaithint. Mheas an tOmbudsman go raibh sé sin níos fíor fós i gcás ina n-iarrann saoránach go gcuirfí ar an eolas é faoi bhunrialacha nós imeachta lena rialaítear feidhmiú institiúide nach cosúil, áfach, go bhfuil sí san fhearann poiblí.