Tá an tOmbudsman den tuairim go bhfuil sé tábhachtach go mbeadh eolas ginearálta leordhóthanach ar a laghad ag iarratasóir ar chéannacht agus ar ábhar na ndoiciméad iarrtha chun an ceart frisnéise sin a fheidhmiú. Is cinnte gurbh amhlaidh a bheadh dá mbeadh na doiciméid liostaithe cheana féin ar chlár poiblí doiciméad nó dá mbeadh na doiciméid liostaithe sa fhreagra ar an iarratas tosaigh. Murar bhain institiúid úsáid as toimhde ghinearálta ina freagra ar iarratas tosaigh, ach go ndearna sí scrúdú nithiúil aonair ar na doiciméid a iarradh, is dea-riarachán a bheadh ann freisin don institiúid na doiciméid a scrúdaigh sí agus í ag freagairt don iarratas tosaigh a shainaithint. Chuirfeadh sé sin ar chumas an iarratasóra iarratas dearbhaitheach eolasach a dhéanamh ina leagfaí amach an fáth a measann sé nach leor anailís na hinstitiúide.