A Uasail X, a chara,

An 13 Bealtaine 2025, chuir tú gearán faoi bhráid an Ombudsman Eorpaigh maidir leis an am a thóg sé ar an gCoimisiún Eorpach íocaíochtaí a phróiseáil le soláthraí seirbhíse atá ag obair ar an tionscadal ‘Forbairt agus Cur Chun Feidhme Chlár Oibre Infheistíochta Global Gateway a Neartú i Meiriceá Laidineach agus i Muir Chairib’, rud a rinne difear do d’íocaíocht mar fhochonraitheoir.

D’oscail an tOmbudsman fiosrúchán an 24 Meitheamh 2025, agus d’áitigh sí ar an gCoimisiún an t-ábhar, a raibh an chuma air go raibh sé nasctha le saincheisteanna teicniúla lena chóras íocaíochta, a réiteach faoi dheireadh mhí Iúil 2025. An 24 Iúil 2025, thug an Coimisiún freagra, agus chuir sé in iúl don Ombudsman go raibh na saincheisteanna teicniúla réitithe aige. Mhínigh sé gurbh é dúnadh chóras cuntasaíochta an Choimisiúin ag deireadh na bliana agus leathadh amach an ardáin íocaíochta nua SUMMA ba chúis leis na saincheisteanna. Ghabh an Coimisiún leithscéal as an moill agus dheimhnigh sé gur íoc sé an méid gan íoc agus an t-ús gaolmhar leis an soláthraí seirbhíse.

Ina dhiaidh sin, dheimhnigh tú don Ombudsman go bhfuair tú an íocaíocht. 

Ar an mbonn sin, chinn an tOmbudsman an fiosrúchán seo a dhúnadh leis an gconclúid gur socraíodh é .

Maidir le d’éilimh faoi chúiteamh airgeadais féideartha ar speansais bhreise a tabhaíodh mar gheall ar an íocaíocht mhoillithe sin, is cosúil gur cheart don phríomhsholáthraí seirbhíse (Euronet Consulting) tú a íoc de réir na bhforálacha a leagtar amach i do chonradh leis, agus nach raibh sé sin ag brath ar cé acu a d’íoc nó nár íoc an Coimisiún é. Más mian leat an t-éileamh seo a dhéanamh, ba cheart duit an t-ábhar a ardú le Euronet Consulting. Ba cheart aon díospóid ghaolmhar a shaothrú os comhair chúirteanna na Beilge.

Le dea-mhéin, 

Tina Nilsson
Ceann an Aonaid um Láimhseáil Cásanna

Strasbourg, 06/10/2025