D’iarr an gearánach ar an gCoimisiún Eorpach rochtain phoiblí a fháil ar litir formheasa a fuair sé ó údaráis na Seirbia maidir le tionscadal mianadóireachta Jadar sa tSeirbia a ainmniú mar ‘thionscadal straitéiseach’ faoi Ghníomh an Aontais um Amhábhair Chriticiúla. Dhiúltaigh an Coimisiún rochtain a thabhairt ar an doiciméad. Agus an méid sin á dhéanamh aige, d’agair sé eisceacht faoi reachtaíocht an Aontais maidir le rochtain phoiblí ar dhoiciméid, agus d’áitigh sé go bhféadfadh nochtadh an bonn a bhaint de chosaint an chaidrimh idirnáisiúnta leis an tSeirbia.
D’iarr an
gearánach ar an gCoimisiún athbhreithniú a dhéanamh ar a chinneadh (trí ‘iarratas daingniúcháin’ a dhéanamh). Cé gur admhaigh an Coimisiún go bhfuarthas iarraidh an ghearánaigh, ní dhearna sé cinneadh ina leith laistigh den teorainn ama dhlíthiúil. D'oscail an tOmbudsman fiosrúchán ag iarraidh ar an gCoimisiún cinneadh a dhéanamh a luaithe is féidir. D'iarr sí freisin iniúchadh a dhéanamh ar an doiciméad atá i gceist.

Shocraigh an Coimisiún an gearán trí pháirt-rochtain leathan a thabhairt ar an doiciméad atá i gceist, gan ach sonraí pearsanta teoranta a fholú, rud nár chuir an gearánach ina choinne. É sin ráite, is oth leis an Ombudsman moill an Choimisiúin maidir leis an gcinneadh daingniúcháin a ghlacadh, a lean ar aghaidh fiú tar éis don Ombudsman a fiosrúchán a oscailt.