Is eagraíochtaí neamhrialtasacha iad na gearánaigh, a raibh imní orthu faoi chleachtas na Gníomhaireachta Eorpaí um an nGarda Teorann agus Cósta (Frontex) chun cúnamh a chur ar fáil do thíortha nach bhfuil san Aontas chun cumais faireachais a fhorbairt. Go háirithe, measann na gearánaigh gur theip ar Frontex measúnú cuí a dhéanamh ar an riosca a d’fhéadfadh a bheith ann do chearta an duine nó measúnuithe tionchair a dhéanamh, agus ábhair imní maidir le príobháideachas á gcur san áireamh, sular chuir sé cúnamh den sórt sin ar fáil.

Chinn an tOmbudsman go raibh nós imeachta bunaithe ag Oifigeach Frontex um Chearta Bunúsacha, a dhéanann measúnú ar cibé acu atá nó nach bhfuil gníomhaíochtaí Frontex i gcomhthéacs a chomhair le tíortha nach bhfuil san Aontas i gcomhréir le cearta bunúsacha, ina raibh na gnéithe riachtanacha de mheasúnú tionchair ar chearta an duine. Ba cheart, áfach, an nós imeachta a chur i bhfeidhm go córasach agus faisnéis ábhartha ina leith a chur ar fáil don phobal agus, go dtí seo, ní hamhlaidh atá go leordhóthanach. Chuir an tOmbudsman deireadh leis an bhfiosrúchán le moltaí maidir le feabhsúchán.