Bhain an gearán leis an bpróiseas cinnteoireachta i gComhairle an Aontais Eorpaigh, as ar eascair glacadh na rialachán bliantúil lena socraítear gabhálacha iomlána incheadaithe (TACanna) stoc éisc áirithe.

Bhí imní ar an ngearánach (a) nach ndearna an Chomhairle taifead ar sheasaimh rialtais na mBallstát mar a cuireadh in iúl iad i ‘gcomhlachtaí ullmhúcháin’ na Comhairle nó i gcruinnithe de Chomhairle na nAirí, (b) nár thug sí rochtain thráthúil ar dhoiciméid reachtacha, go réamhghníomhach agus arna iarraidh sin, agus (c) go bhfuil clár doiciméad neamhiomlán agus míshásúil i bhfeidhm aici.

[1] Bhí an tOmbudsman den tuairim, ós rud é gur ‘doiciméid reachtacha’ iad na doiciméid atá i gceist agus go bhfuil ‘faisnéis chomhshaoil’ iontu, gur cheart rochtain níos leithne agus níos tráthúla a dheonú do ,. Dá bhrí sin, mhol an tOmbudsman gur cheart don Chomhairle doiciméid a bhaineann le glacadh an Rialacháin TAC a chur ar fáil go réamhghníomhach tráth a scaiptear ar na Ballstáit iad nó a luaithe is féidir ina dhiaidh sin.

Roghnaigh an Chomhairle gan moladh an Ombudsman a leanúint. Dá bhrí sin, dheimhnigh an tOmbudsman a cinneadh maidir le drochriarachán, agus chuir sí in iúl go raibh díomá uirthi nár lean an Chomhairle a moladh.