• Lodge a complaint
  • Request for information
60th Rome Treaty anniversaryYour Europe - The portal to on-line European and national public services

Emily O'Reilly

Available languages: bg.es.cs.da.de.et.el.en.fr.ga.hr.it.lv.lt.hu.mt.nl.pl.pt.ro.sk.sl.fi.sv

Emily O’Reilly ġiet eletta għall-ewwel darba bħala l-Ombudsman Ewropew f’Lulju 2013.Wara l-elezzjonijiet tal-Parlament Ewropew, reġgħet ġiet eletta għal mandat ta’ ħames snin f’Diċembru 2014. Bħala l-Ombudsman Ewropew hija tinvestiga l-amministrazzjoni ħażina fl-istituzzjonijiet u l-korpi tal-Unjoni Ewropea. Għall-ħidma tagħha ngħatat il-Premju Schwarzkopf Europe fl-2017.

Mill-2003 sal-2013, is-Sinjura O’Reilly kienet l-ewwel Ombudsman mara u Kummissarju tal-Informazzjoni fl-Irlanda u barra minn hekk inħatret ukoll bħala Kummissarju għall-Informazzjoni Ambjentali fl-2007. 

Bħala Ombudsman nazzjonali, fl-2008 s-Sinjura O’Reilly ngħatat Dottorat Onorarju fil-Liġi mill-Università fl-Irlanda għall-ħidma tagħha rigward il-promozzjoni tad-drittijiet tal-bniedem matul il-karriera tagħha. Fl-2014 hija ngħatat il-premju ta’ Dottorat Onorarju tal-Liġi mill-Kulleġġ Universitarju ta’ Dublin għall-impenn tagħha ta’ għaxar snin bħala l-Ombudsman Irlandiż.

Bħala ex-ġurnalista, awtriċi u editur politiku l-karriera tas-Sinjura O’Reilly attirat rikonoxximent domestiku u internazzjonali sinifikanti inkluż Borża ta’ Studju mill-Università ta’ Harvard fl-1988 u premjijiet nazzjonali multipli. Hija kitbet tliet kotba li ntlaqgħu b’mod kritiku dwar il-politika u l-midja Irlandiżi u hija membru attwali tal-Bord Konsultattiv Internazzjonali tal-Fondazzjoni Nieman għall-Ġurnaliżmu ta’ Harvard.

Matul il-karriera ġurnalistika tagħha, hija rebħet żewġ premjijiet: Il-Ġurnalista Mara tas-Sena fl-1986 u l-Ġurnalist tas-Sena fl-1994.